Gabríela Friðriksdóttir

Gabríela Friðriksdóttir (f. 1971) vinnur gjarnan innsetningar þvert á miðla, þar sem óhefðbundinn efniviður sameinast t.a.m. teikningum, málverki, skúlptúr og hreyfimyndum. Í verkunum birtast jafnan súrrealískir smáheimar í einstöku myndmáli. Þeir eru á mörkum náttúru og draumkenndrar fantasíu, og í stöðugum umskiptum, með vísanir í táknfræði og andleg kerfi sem hún möndlar saman í eigin goðafræði. Gabríela hefur haldið fjölda einkasýninga og verið valin á samsýningar bæði hér á landi og erlendis. Sýningar hennar hafa meðal annars verið í Migros Museum í Zürich 2006, Prospectif cinéma í Pompidou-miðstöðinni í París 2007, Museum of Contemporary Art í Tókýó 2010, Schirn Kunsthalle í Frankfurt 2011 og Lyon tvíæringnum 2013. Gabríela var fulltrúi Íslands á Feneyjatvíæringnum árið 2005 með verkið Versations Tetralógía. Verk eftir hana eru í eigu einkasafna og þau er líka að finna í safneignum víða um heim. Gabríela útskrifaðist af skúlptúrdeild Myndlista- og handíðaskóla Íslands vorið 1997 og stundaði nám við AVU akademíuna í Prag veturinn 1998. Hún býr og starfar í Reykjavík.

 

Gabríela Friðriksdóttir (b. 1971) works in various media, creating installations where unfamiliar materials are combined with drawings, paintings, sculpture, animations and videos. Her works typically explore surreal and sometimes microscopic worlds where nature and dream-like fantasy mix with symbols and her own personal pantheon of gods. Gabríela has held numerous exhibitions, in Iceland and abroad, including in the Migros Museum in Zürich 2006, Prospectif cinéma at the Centre Pompidou in Paris 2007, the Museum of Contemporary Art in Tokyo 2010, Schirn Kunsthalle in Frankfurt 2011 and the Lyon Biennale 2013. She represented Iceland at the Venice Biennale in 2005 with an exhibition titled Versations Tetralogia. Gabríela graduated from the sculpture department of the the Icelandic School of Arts and Crafts in1997 and studied at the AVU Academy in Prague in 1998. She lives and works in Reykjavík.