Eva Ísleifs & Rakel McMahon

Eva Ísleifs er fædd í Reykjavík 1982. Hún hlaut BA gráðu í myndlist frá Listaháskóla Íslands árið 2008 og árið 2010 hlaut hún MFA gráðu í Skúlptúr frá Listaháskólanum í Edinborg í Skotlandi. Eva býr og starfar í Reykjavík og Aþenu á Grikklandi en hún er ein af stofnendum og stjórnendum A – DASH (www.a-dash.space) sem er sýningarými og vinnustofur listamanna í Aþenu í Grikklandi en hún rekur það ásamt Z. Hatzyiannaki og Noemi Niederhauser.

Rakel McMahon er fædd árið 1983 og býr og starfar á milli Aþenu og Reykjavíkur. Hún útskrifaðist með BA gráðu í myndlist frá Listaháskóla Íslands árið 2008, diplóma gráðu í hagnýtri jafnréttisfræði við Háskóla Íslands árið 2009 og M.Art.Ed í listkennslufræðum við Listaháskóla Íslands árið 2014. Rakel McMahon hefur haldið einkasýningar og tekið þátt í samsýningum auk annarra menningarlegra viðburða á Íslandi og víða erlendis. Verk hennar eru unnin í ólíka miðla s.s. teikningu, málverk, textaverk og gjörning sem einkennast gjarnan af tvíræðni, myndlíkingu og húmor.